Konferansen inkluderte eit variert program med faglege innlegg, seminar, self-care sessions, smågrupper for diskusjon og deling av ulike synspunkt i plenum. Ein nyleg laga undervisingsfilm om åndeleg omsorg innan psykisk helse vart også vist, og deltakarane frå ulike land reflekterte over filmen. Ein deltakar stilte mellom anna spørsmål om det ikkje var lov til å snakke om Gud i Noreg. Det var også stor interesse for å dele erfaringar og lære frå kvarandre då mange presenterte posterar. Du kan sjå filmen sjøl her.

Konferansen hadde ein open, vennleg og god atmosfære, og det var fint å møte menneske med interesse for åndeleg omsorg i utdanning og klinisk praksis. Dette var den åttande studentkonferansen, etter at dei første vart starta i Glasgow i 2004 av professor emerita og æresdoktor ved VID, Barbara Parfitt. Dette var også den første fysiske studentkonferansen som har blitt arrangert etter pandemien, så det var fantastisk å kunne møtast og snakke og dele erfaringar saman over fleire dagar.

Stor takk til Linda Rykke, Marianne Morland og Kristin Ferstad som saman med Tove Giske har delt ansvaret for planlegging og gjennomføring av denne konferansen. Saman har vi vore eit drømmeteam!